لحظة اشتياق محرمة

بشتاقلك
كل لحظة بيدبحني شوقي الك
ومابلاقي حدي ببعدك
غير صورة منقوشة بقلبي
بعانقا
وعشفافي احلى بسمة بتنرسم
وبيسرقني مني الحلم
بياخدني لبعيد
بسافر
بحلق لبعيد
بيحملني قمري
الك بياخدني
و حدك بوصل
وبسمع صوتك بتناديني
وبمد ايدي الك
المس ايدك
وبهمس
خدني
دخلك حبيبي خدني
لو بتعرف حبيبي
قديش بتمناك
قديش بشتاقلك
بشتاق لهمسك ..كلامك
وشو بتمنى..بحلم بعناقك
شو صار ياقلبي شو باك
ليش عم ترجف هيك
شو صارلك
لا لاتصحيني دخلك
دخلك خليني هيك
غفيانة بحلمي خليني دخلك
ياريت فيني ياقلبي
بأحلامي سكنانة ابقى
دخلك لاتصحيني دخلك